काठमाडौं । बीमा समिति खारेज गर्दै बीमा प्राधिकरण गठनको अवधारण रहेको झण्डै डेढ वर्षअघि संसदमा पेस भएको बीमा व्यवस्थापन तथा सञ्चालनसम्बन्धी विधेयक अघि बढेको छ । बीमा विधेकमाथि छलफलका लागि अर्थ समितिमा पठाइएको छ । समितिले सोमबार विज्ञसहितको टोलीलाई प्रस्तावित बीमा विधेयकमाथिको छलफलमा बोलाएको छ ।
बीमा व्यवस्थापनका लागि ल्याएको नयाँ विधेक डेढ वर्षअघि संसदमा पेस भएरको थियो । अहिलेको बीमा समिति नै खारेज हुनेगरी पेस भए पनि विधेयक अघि बढ्न सकेको थिएन । नयाँ आउने विधेयकले अहिलेको बीमा समिति नै खारेज गर्नेछ । समितिको ठाउँमा नयाँ बीमा प्राधिकरण ल्याउने विधेयकको प्रस्ताव छ । त्यस्तै, नयाँ विधेयकले बीमा अभिकर्ता, एजेन्ट र सर्भेयरलाई समेत एकै प्रावधानमा समेटिएको छ । जुन प्रावधान विवादित बन्दै आएको छ ।
