काठमाडौं । नेपाल धितोपत्र बोर्डले भिजन लुम्बिनी ऊर्जा कम्पनीलाई आईपीओ निष्काशन गर्न अनुमति दिएको छ । बोर्डले मंगलबार भिजन लुम्बिनीलाई सर्वसाधारणलाई प्राथमिक शेयर जारी गर्न अनुमति प्रदान गरेको हो । भिजन लुम्बिनीले ३८ करोड २५ लाख रुपैयाँ बराबरको ३८ लाख २५ हजार कित्ता आईपीओ निष्काशन गर्न बोर्डबाट अनुमति पाएको हो । कम्पनीले आयोजना प्रभावित स्थानीय र सर्वसाधारणको लागि सो बराबरको शेयर निष्काशन गर्नेछ । कम्पनीको शेयर निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ । कम्पनीले कास्कीको माछापुच्छे गाउँपालिका स्थित २५ मेगावाट विद्युत क्षमताको सेती नदी जलविद्युत आयोजना निर्माण गरिरहेको छ ।