काठमाडौं । नपत्याउँदो तरिकाले कोरोनाको ग्राफ भुसको आगोझैं फैलिएको छ । पछिल्लो २४ घण्टामा नेपालमा थप ४ सय ६० जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ८० हजार ९८४ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ३ हजार ६०८ सय रहेको छ । पछिल्लो २४ घण्टामा १५३ जना निको भएका छन् । हालसम्म संक्रमणमुक्त हुनेको संख्या २ लाख ७४ हजार ३१८ पुगेको छ । हालसम्म कोरोनाको कारण ३ हजार ५८ जनाको मृत्यु भएको छ । पछिल्लो २४ घण्टामा कोरोनाबाट ५ जनाको मृत्यु भएको मन्त्रालयले जनाएको छ । यस्तै, हालसम्म ८५ जना क्वारेन्टीनमा रहेका छन् । हालसम्म २३ लाख २१ हजार ६७० जनाको पीसीआर परीक्षण गरिएको छ ।
कोरोनाले नछाड्ने भो राजधानी
विश्वव्यापी आतंक बनाएको कोरोनाले नेपालका कुनै पनि क्षेत्रलाई छाडेको छैन । तर मुलुकको संघीय राजधानी काठमाडौंलाई भने कोरोनाले फेरि आतंकित बनाउने संकेत देखिन थालेको छ । पछिल्लो २४ घण्टामा काठमाडौंमा सबैभन्दा बढी कोरोना संक्रमित पुष्टि भएका छन् । स्वास्थ्य मन्त्रालयका अनुसार काठमाडौंमा १६१ जनामा संक्रमण पुष्टि भएको छ भने ललितपुरमा २६ र भक्तपुरमा १२ जनामा संक्रमण पुष्टि भएको छ ।
यस्तै पछिल्लो २४ घण्टामा देशभर भने ५०० बढी कोरोना संक्रमित थपिएका छन् । मन्त्रालयका अनुसार थप ५१७ जनामा कोरोना संक्रमण पुष्टि भएको हो । यस्तै २४ घण्टामा रिपोर्ट प्राप्त भएका मृतकको संख्या ५ जना रहेको पनि मन्त्रालयले जनाएको छ ।
मन्त्रालयका अनुसार हालसम्म कोरोना संक्रमितको कुल संख्या २ लाख ८० हजार ९८४ पुगेको छ । जसमध्ये निको हुनेको संख्या २ लाख ७४ हजार ३१८ पुगेको छ । यस्तै हालसम्म मृतकको कुल संख्या ३ हजार ५८ पुगेको छ भने आइसोलेशनमा रहनेको संख्या ३ हजार ६०८ पुगेको छ ।
