धनगढी । पार्किङमा राखिएको बसभित्र २ जोडी युवायुवतीलाई मध्यराति प्रहरीले पक्राउ गरेको छ । धनगढी उपमहानगरपालिका ४ उत्तरवेहडीमा पार्किङ गरेको बसभित्र मंगलबार मध्यरातमा प्रहरीले उनीहरुलाई पक्राउ गरेको हो। धनगढीका २४ वर्षीय दिलिप थापामगर र टीकापुरका १९ वर्षीय राम चौधरीसहित अर्का २ जना युवती पक्राउ गरेको जिल्ला प्रहरी कार्यालय कैलालीले बताएको छ । बसभित्र हल्ला भएपछि स्थानीयले प्रहरीलाई खबर गरेका थिए त्यही सूचनाको आधारमा प्रहरीले उनीहरुलाई पक्राउ गरेको हो । परेका चार जनामध्ये एकजना सोही बसका सह चालक हुन् भने अर्का युवा उनका साथी हुन् । दुई युवतीहरुले भने आफूहरु मंगलबार मात्रै काठमाडौंबाट आएको बताएका छन् ।