काठमाडौँ । अडियो प्रकरणपछि केही दिन सुस्ताएका पूर्व सञ्चारमन्त्री गोकुलप्रसाद बाँस्कोटाले अडियो रेकर्ड गर्ने विजय मिश्रविरुद्ध मुद्दा दायर गरेका छन् । काठमाडौँ जिल्ला अदालतमा न्याय माग गर्दै मुद्दा दायर गरेका हुन् । शुक्रबार उनले आफूविरुद्ध झुठा लाञ्छना लगाइएको र गाली बेइज्जति भएको भन्दै आफ्ना प्रतिनिधिमार्फत मुद्दा दायर गरेका हुन् । उनले सेक्युरिटी प्रिन्टिङ प्रेस खरिद प्रकरणमा कमिशनको डिल भएको भनिएको ‘अडियो टेप’ सार्वजनिक गर्ने विजय मिश्रविरुद्ध मुद्दा दायर गरेका हुन् ।
मिश्रले नै गत साता बुधबार बाँस्कोटासँग वार्तालाप भएको अडियो टेप सार्वजनिक गरेका थिए । उक्त टेप सार्वजनिक भएको भोलिपल्टै अर्थात गत साता बिहीबार बाँस्कोटाले मन्त्री पदबाट राजीनामा दिएका थिए ।