काठमाडौं । सानिमा लाईफ इन्स्योरेन्स कम्पनीले एक मृतकका परिवारलाई २० लाख ८० हजार रुपैयाँ बीमा दावी भुक्तानी गरेको छ । कम्पनीले तनहु जिल्ला दमौली निवासी बीमित अैतकुमार श्रेष्ठको हृदयघातबाट ५४ बर्षको उमेरमा निधनपछि निजका हकवाला छोरा बुद्धि श्रेष्ठलाई कम्पनीले २० लाख ८० हजार रुपैयाँको चेक हस्तारण गरेको हो । करिब दुई वर्षअघि सानिमा लाईफ इन्स्योरेन्समा बीमा गराएका थिए । कूल २० लाख बीमाङ्कको बीमा गरेका श्रेष्ठले दोस्रो किस्ता बुझाई सकेको अवस्थामा निधन भएको हो । बीमा कम्पनीले बीमाङ्क रकममा बोनस रकम थप गरेर भुक्तानी गरेको जनाएको छ ।
कम्पनीका प्रमुख कार्यकारी अधिकृत शिवराम तिमिल्सिनाले सो रकम बराबरको चेक बीमितका छोरा बुद्धि श्रेष्ठलाई हस्तारण गरेका हुन् । चेक भने मृतकी श्रीमती रुपा श्रेष्ठको नाममा जारी गरिएको छ ।
