काठमाडौं । निजामती सेवा अन्तर्गत प्रशासन सेवाको आन्तरिक प्रतिस्पर्धामा सहसचिव वा सो सरहको लिखित परिक्षाको नतिजा आइतबार सार्वजनिक भएको छ । लोकसेवा आयोगले गत मंसिर २७, २८ र ३० गते लिएको परीक्षामा २ सय ३५ जना परीक्षार्थी (उपसचिव)हरु ले सहभागी भएका थिए । २२ पदका लागि लिइएको उक्त परीक्षामा २८ जना लिखित परिक्षामा उत्तीर्ण भएका छन् । उत्तीर्ण भएकाहरुको द्वितीय र तृतीय चरणको कार्यतालिका पनि लोकसेवा आयोगले सार्वजनिक गरेको छ । द्वितिय चरणमा उत्तीर्ण परीक्षार्थीहरुले चैत ३ गतेदेखि ६ गतेसम्म प्रस्तुतीकरणमा सहभागी हुनुपर्ने छ भने तेस्रो चरणमा अन्तर्वार्ता कार्यक्रम तोकिएको छ । अन्तर्वार्ताको मिति चैत १२ देखि २३ गतेसम्मका लागि तोकिएको छ ।