काठमाडौं । आम जनमानसमा बीमासम्बन्धी चेतनावृद्धिको काम गर्दै आएको राष्ट्रिय बीमा संस्थानको हेटौंडा शाखाले जीवन बीमा अभिकर्ताको लागि तीन दिने आधारभूत तालिम कार्यक्रम सम्पन्न गरेको छ । संस्थानले मंसिर २६ गतेदेखि २८ गतेसम्म कार्यक्रम सञ्चालन गरेको हो ।
तालिमको माध्यमबाट व्यवसाय विस्तारका साथै आम नागरिकमा बीमाको आवश्यकता र महत्वको बारेमा जानकारी प्रदान गर्ने उद्देश्यले संस्थानले उक्त कार्यक्रम संचालन गरिएको बताइएको छ ।
संस्थानका हेटौंडा शाखाका प्रमुख केशव बजगाईको संयोजकत्वमा सञ्चालित उक्त तालिम कार्यक्रममा ३५ जना प्रशिक्षार्थीको सहभागिता रहेको थियो । तालिम कार्यक्रममा संस्थानका प्रधान कार्यालय बजार व्यवस्थापन विभागका चुडाराज अधिकारी र नारायणगढ शाखाका प्रमुख उषा सापकोटाले प्रशिक्षण दिएका थिए ।