काठमाण्डौ । अन्तराष्ट्रिय बजारमा आज पनि सुनको मूल्य वृद्धि भएको छ । अघिल्लो दिन बढेको सुनको मूल्य आज पनि १।३६ प्रतिशतले बढेको छ ।
यो समाचार तयार पार्दासम्म सुनको मूल्य १.३२ प्रतिशत अर्थात ३२.८२ डलरले बढेको छ । यो वृद्धिसँगै सुनको मूल्य प्रतिऔंस २ हजार ४४२ डलर कायम भएको छ । सुनसँगै चाँदीको मूल्य पनि वृद्धि भएको छ । चाँदीको मूल्य १.७९ प्रतिशत अर्थात ०.५१ डलरले बढ्दै प्रतिऔंस २८.८५ डलर पुगेको छ । अमेरिकी केन्द्रीय बैंकले आगामी सेप्टेम्बर महिनाका लागि गर्ने ब्याजदर कटौती र विश्व राजनीतिमा बढ्दै गएको भू–राजनीतिक तनावले गर्दा सुनको मूल्य केहि दिनयता निरन्तर बढिरहेको छ । अमेरिकी केन्द्रीय बैंकको हालै सम्पन्न बैठकले आगामी सेप्टेम्बरसम्म एक पटक ब्याजदर कटौती गर्ने संकेत गरेकाले सुनको मूल्यमा वृद्धि देखिएको विश्लेषकले बताएका छन् । यस्तै प्यालेस्टाइन समूह र तहरानले इरानमा हमासका शीर्ष नेता इस्माली हानिएको हत्या गरेसँगै मध्य–पूर्वमा तनाव सिर्जना भएको छ । जसका कारण अनिश्चिनता बढ्दा सुनको मूल्य समेत प्रभावित बनेको छ ।