काठमाडौं, असार २३ – नेपाली बजारमा मंगलबार पनि सुन र चाँदीको मूल्यमा गिरावट आएको छ। पछिल्ला तीन दिनदेखि निरन्तर ओरालो लागेको सुनचाँदीको मूल्य आज पनि घटेको हो।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक हजार ४०० रुपैयाँले घटेर दुई लाख ८८ हजार रुपैयाँ कायम भएको छ। सोमबार यही सुन प्रतितोला दुई लाख ८९ हजार ४०० रुपैयाँमा कारोबार भएको थियो।

त्यस्तै, चाँदीको मूल्य पनि प्रतितोला ३० रुपैयाँले घटेको छ। आज चाँदी प्रतितोला चार हजार ५५५ रुपैयाँमा कारोबार भइरहेको छ, जबकि सोमबार यसको मूल्य चार हजार ५८५ रुपैयाँ प्रतितोला रहेको थियो।

पछिल्ला केही दिनयता अन्तर्राष्ट्रिय बजारको प्रभावसँगै नेपाली बजारमा पनि सुनचाँदीको मूल्य निरन्तर घट्ने क्रम जारी रहेको देखिएको छ।