काठमाडौं । नयाँ नयाँ योजना र कार्यक्रम ल्याएर ग्राहकको मन जित्दै आएको प्रभु बैंक लिमिटेडले प्रदेश २ का ५ जिल्लाका प्रवासी कामदारहरुलाई लक्षित गरी नयाँ योजना अघि सारेको छ ।

प्रभुले सञ्चालनमा ल्याएको वैदेशिक रोजगारी कर्जा योजना अन्तर्गत प्रदेश २ का ५ जिल्लाहरु  बारा, पर्सा, रौतहट, सप्तरी र सर्लाहीका वैदेशिक रोजगारीमा गएका कामदारहरुले विदेशबाटै कर्जा भुक्तानीलगायत सुविधा पाउने  बैकले जनाएको छ ।

प्रवासी कामदार र उनिहरुको परिवारको वित्तीय पहुँच अभिवृद्धि गर्ने उदेश्यसहित सञ्चालित युके एडको परियोजनाअन्तर्गत सीप सञ्चालनमा रहेका प्रदेश २ का ५ जिल्लाहरुका प्रवासी कामदार  र काम गर्न जान चाहने व्यक्ति एवं तिनको परिवारले यसबाट  अधिकतम लाभ लिने विश्वास बैंकले लिएको छ । वैदेशिक रोजगारी कर्जा योजना सीप युके एड र नेपाल सरकारको सहकार्यमा सञ्चालित परियोजना हो ।