काठमाडौं । लकडाउनका कारण काठमाडौंमा बिचल्ली परेका श्रमिक तथा अन्य सर्वसाधारण लकडाउनका बीचमा पनि हिँडेरै राजधानी छोड्न तम्सिएपछि सरकारले शुक्रबार र शनिबार उपत्यका बाहिर जान दिने भएको छ । बिहीबार उपप्रधान तथा रक्षामन्त्री ईश्वर पोखरेलको नेतृत्वमा बसेको सरोकारवालाहरुसँगको बैठकले सो निर्णय गरेको हो । ११ चैतबाट लागू भएको लकडाउन लम्बिएपछि मानिसहरु हिडेरै काठमाडौंबाट बाहिर जान थालेपछि सकारले यस्तो निर्णय गरेको बताइएको छ । जसअनुसार सरकारले तोकेका सार्वजनिक सवारी साधन मात्र चल्नेछन् ।