काठमाडौँ । सगरमाथा इन्स्योरेन्स कम्पनीमा बीमा गराउनेहरुले ग्रिनसिटी अस्पतालमा विशेष छूट पाउने भएका छन् । अस्पतालले प्रदान गर्ने सुबिधाहरुमा छुट उपलब्ध गराउनेसम्बन्धि सम्झौतामा सगरमाथा इन्स्योरेन्सका तर्फबाट प्रमुख कार्यकारी अधिकृत चंकी क्षेत्री र ग्रिनसिटी अस्पतालका तर्फबाट अध्यक्ष्य लोकबहादुर टण्डनले हस्ताक्षर गरेका छन् ।
सम्झौता अनुसार सगरमाथा इन्स्योरेन्स कम्पनीबाट मोटर बीमा गर्ने ग्राहकहरुलाई उपलब्ध गराईएको भिआइपी कार्ड प्रयोगकर्ताहरुले ग्रिनसिटी अस्पतालमा छुट पाउने भएका छन् । साथै कम्पनीका कर्मचारीहरु समेतले सो अस्पतालमा उपचार गर्दा अस्पतालले प्रदान गर्ने बिभिन्न सेवा सुबिधामा छुट पाउने व्यवस्था मिलाइएको बताइएको छ ।
