साकाहारीका लागि दशैंमा मासु बाहेकका परिकार बनाउनै पर्छ । त्यसैले आज हामीले घरैमा निकै रसिलो गुलाब जामुन बनाउने तरिका प्रस्तुत गरेका छौं ।
आवश्यक सामान
खुवा ४०० ग्राम
छेना : दूध फटाएर बनाएको ४०० ग्राम छोक्रा
मैदा दुई चम्चा
आरारोट (कर्नफ्लोर) एक चम्चा
गुलाब जल आधा चम्चा
बेकिङ पाउडर एक चिम्टी
चिनी आधा केजी (चास्नीको लागि)
सुकुमेल पाउडर आधा चम्चा (सानो)
तेल आवश्यकता अनुसार
बनाउने विधि
खुवा, छेना, बेकिङ पाउडर, मैदा, कनेफ्लावर र सुकुमेल हालेर राम्रोसँग मिलाउने । सबै मिलाएपछि कुन साइजको बनाउने हो, त्यही साइजको गोलो–गोलो खुवा बनाएर राख्ने । चिनीमा पानी मिलाएर जबसम्म हल्का गाढा हुँदैन, तबसम्म उमाल्ने । अब कराहीमा तेल तताएर तयार गरेको गोलो–गोलो खुवा र छेना मिक्सलाई फ्राई गर्ने र चास्नीमा राखेर सर्भिस गर्ने ।
