टोकियो । सडक दुर्घटनामा जापानमा एक नेपाली चेलीको ज्यान गएको छ । कामबाट फर्कनेक्रममा जापानको मिए केनको योक्काईचीमा एक मिनि ट्रकको ठक्करबाट नेपाली चेलीको निधन भएको हो ।
६ महिना अघिमात्र डिपेण्डेन्ट भिषामा जापान आउनुभएकी सुजाता बास्तोलाको ट्रकको ठक्करबाट निधन भएको हो ।
प्राप्त जानकारी अनुसार कामबाट फर्कने क्रममा आईतबार बिहान ७ बजे ट्रकले ठक्कर दिएको हो । कामबाट स्कुटरमा रहनुभएकी बास्तोलालाई ट्रकले ठक्कर दिई गम्भिर घाईते भएपछि अचेत अवस्थामा अस्पताल लगिएको थियो । अस्पताल पुर्याए लगत्तै अस्पतालले उहाँलाई मृत घोषणा गरेको छ । २२ बर्षिय बास्तोला मिए केनको योक्काईचीमा श्रीमानको साथमा बस्दै आउनुभएको थियो ।