अर्थबिमा समाचारदाता
काठमाडौँ । अमेरिकामा डाइभर्सिटी भिषा अन्तर्गत जान चाहनेका लागि आवेदन फारम भर्दा पासपोर्ट नम्बर अनिवार्य सहित सन् २०२१ का लागिे आवेदन खुल्ला भएको छ ।
सन् २०२१ को लागि आवेदन दिने मिति यही सालको अक्टोबर २ तारिखदेखि खुल्लाभएको हो भने त्यसमा आगामी नोभेम्बर ५ सम्म अनलाइन मार्फत आवेदन दिन सकिने व्यवस्था मिलाइएको छ ।

अमेरिकाले इमिग्रेशन एण्ड नेशनालिटी एक्ट को व्यवस्था अनुसार डिभीका लागि आवेदन दिदा पासपोर्टको म्याद भएको र इमेल ठेगाना अनिवार्य गरिएको छ गरेको हो । जसमा कुनै शुल्क भने लाग्ने छैन ।
एक व्यक्तिले एकपटक मात्र आवेदन दिन सक्ने व्यवस्था गरिएको डिभी आवेदनको फारम भरिसके पश्चात् प्राप्त हुने कन्फर्मेशन नम्बर सुरक्षित राख्नु भनिएको छ । डिभीका लागि आवेदन दिनेले नतिजा सार्वजनिक भएपछि त्यही कन्फर्मेशन नम्बरको आधारमा आफूलाई डीभी परेरनपरेको थाहा पाउन सक्ने भएकोले पनि कन्फर्मेशन नम्बर सुरक्षित राख्नुपर्ने भएको हो । अमेरिकाले चिठ्ठा मार्फत भिसा उपलब्ध गराउँदै आएकोमा नेपालमा पनि त्यसको आकर्षण निकै रहदै आएको छ ।