धादिङ । देशमा रगतको कमी भएका समाचारहरु बाहिर आइरहेको बेला सांग्रिला डेभलपमेन्ट बैकले आफ्नो सामाजिक उत्तरदायित्व पूरा गर्दै आफ्नो १५ औं वार्षिकउत्सवको अवसरमा धादिङस्थित गल्छी शाखाले रक्तदान कार्यक्रम सम्पन्न गरेको छ । शाखा कार्यालय गल्छीले जिल्ला रेडक्रस सोसाइटी धादिङको प्राविधीक सहयोगमा बृहत रक्तदान जीवनदान कार्यक्रम यही कार्तिक १७ गते बिहान १० बजे देखि दिउँसो ४ः३० सम्म सच्चालन गरिएको थियो ।
कार्यक्रममा गल्छी गाउँ पालिकाका ध्यक्ष कृष्णहरि श्रेष्ठले गल्छी चोकमा धेरै बैंकको शाखा आएका तर सांग्रिला बैकको शाखा आएको १ वर्ष नपुग्दै धेरै किसिमका कार्यक्रमहरु दिएर स्थानिय जनताहरुको मन मनमा बस्न सफल भएको बताए ।
कार्यक्रममा बोल्दै शाखा प्रमुख गौरब काफलेले देशमा हाल रगतको चरम अभाव भएकाले आफनो शरिरबाट खेर जाने रगतबाट कसैको जीवन बचाउन सकिने भएकाले यस्तो पवित्र काम सवैले गर्नुपर्ने बताए ।