काठमाडौं । चुक्ता पुँजीको चटारोसँगै बीमा कम्पनीहरु व्यवसाय विस्तारमा पनि लागेका छन् । बीमाको पहुँच नपुगेका गाउँ गाउँमा बीमा कम्पनीहरुले आफ्नो शाखा सञ्जाल विस्तार गरिरहेका छन् । ‘सामाजिक सुरक्षाका लागी बीमा, बीमाका लागी सानिमा’ भन्ने मुल नाराका साथ सानिमा लाइफले नवलपरासीको बर्दघाटमा आफ्नो ५४ औँ शाखा स्थापना गरेको छ ।

एक समारोहकाबीच बर्दघाट नगरपालिकाका मेयर धिरज शर्मा बस्याल र कम्पनिका मुख्य प्रबन्धक गणेश चौलागाईले सो शाखाको औपचारिक उद्घाटन गरे। उक्त अबसरमा बर्दघाट उद्योग वाणिज्य संघका अध्यक्ष लेखनाथ न्यौपाने, कम्पनीका प्रदेश प्रमुख जयदेव गौतम र शाखा प्रमुख ढाकाराम तिमल्सीना उपस्थितिलगायत स्थानीय बुद्धिजीवीहरुको उपस्थिति रहेको थियो ।