काठमाडौं । नेपाल इन्भेष्टमेन्ट मेगा बैंकका प्रमुख कार्यकारी अधिकृत (सीईओ) ज्योति प्रकाश पाण्डे ८० लाख रुपैयाँ धरौटीमा रिहा भएका छन्।
स्मार्ट टेलिकम प्रकरणमा अनुसन्धानका क्रममा पक्राउ परेका पाण्डेलाई जिल्ला अदालत काठमाडौंले ८० लाख रुपैयाँ बराबरको बैंक ग्यारेन्टी राखेर रिहा गर्न आदेश दिएको हो।
पाण्डेसहित केही व्यक्तिमाथि स्मार्ट टेलिकमसँग सम्बन्धित विषयमा अनुसन्धान अघि बढाइएको थियो। सोही क्रममा उनलाई पक्राउ गरी अदालतमा उपस्थित गराइएको थियो।
अदालतमा भएको थुनछेक बहसका क्रममा सरकारी पक्षले अनुसन्धानबाट संकलित प्रमाण तथा पाण्डेको सम्भावित संलग्नताबारे आफ्नो धारणा प्रस्तुत गरेको थियो। पाण्डेको तर्फबाट भने आफूविरुद्ध लगाइएको आरोप र अनुसन्धानका विषयमा प्रतिवाद गरिएको थियो।
बहसपछि अदालतले तत्काल उनलाई थुनामा राख्न आवश्यक नदेखिएको निष्कर्ष निकाल्दै ८० लाख रुपैयाँ धरौटी माग गरी रिहा गर्ने आदेश दिएको हो।
धरौटी बुझाएपछि पाण्डे हिरासतबाट मुक्त भएका छन्।
