काठमाडौं । बुधबार दोस्रो पटक मिर्गौला प्रत्यारोपण गराउनुभएका प्रधानमन्त्री केपी शर्मा ओलीको स्वास्थ्यमा क्रमिक सुधार हुँदै गइरहेको चिकित्सकहरूले बताएका छन् । प्रधानमन्त्री ओलीको अवस्थाबारे बुझ्न अस्पताल पुग्नुभएका उपप्रधान तथा रक्षामन्त्री ईश्वर पोखरेललाई चिकित्सकहरूले स्वास्थ्य अवस्थाबारे जानकारी गराएका हुन् । ओलीलाई बिहीबार बिहान चिया खुवाइएको जानकारी उपप्रधान मन्त्री पोखरेललाई चिकित्सकले गराएका छन् ।