काठमाडौं । एकै दिन सुनको मूल्य १८ सय रुपैयाँले बढेर नयाँ हालसम्मकै उच्च पुगेको छ । शुक्रवार नेपाली बजारमा सुनको मूल्य १८ सय रुपैयाँले बढेर प्रतितोला १ लाख ४६ हजार ७ सय रुपैयाँ कायम भएको हो । जुन हालसम्मकै उच्च हो । यसअघि गत आइतबार असार २३ गते हालसम्मकै उच्च प्रतितोला १ लाख ४५ हजार ४ सय रुपैयाँमा कारोबार भएको थियो । त्यस्तै आज बजारमा तेजाबी सुन १ लाख ४६ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । अघिल्लो दिन बिहीबार मात्रै तेजाबी सुन प्रतितोला १ लाख ४४ हजार २ सय रुपैयाँमा कारोबार भइरहेको थियो । शुक्रवार चाँदी प्रतितोला १५ रुपैयाँले बढेर १९ सय रुपैयाँमा कारोबार भइरहेको महासङ्घले जनाएको छ ।