काठमाडौं । ऐतिहासिक रेकर्ड कायम गरेको सुनको भाउ उकालो र ओरालो लाग्नेक्रम जारी छ । नेपाली बजारमा आज सुन चाँदीको मूल्य बढेको छ । आज छापावाला सुन तोलामा १ सय रुपैयाँले बृद्धि भई प्रति तोला १ लाख ९ हजार ८ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ । महासंघका अनुसार आज तेजावी सुन प्रति तोला १ लाख ९ हजार ३ सय रुपैयाँमा कारोबार भइरहेको छ । साथै आज चाँदी तोलामा १० रुपैयाँले बृद्धि भई प्रति तोला १ हजार ३४० रुपैयाँमा कारोबार भइरहेको महासंघले जनाएको छ ।