काठमाडौं । मंगलबार सुनचाँदीको मूल्य गिरावट भएको छ । भदौ १९ गते, सुन तोलामा ३०० रुपैयाँले सस्तिएको हो । चाँदीको मूल्य पनि यस दिन प्रतितोला २० रुपैयाँले घटेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार ७०० रुपैयाँमा झरेको छ । यस्तै, तेजाबी सुन प्रतितोला एक लाख १२ हजार १५० रुपैयाँमा कारोबार भइरहेको छ । सोमबार भने सुनको भाउ तोलामा ४०० रुपैयाँले बढेको थियो । हिजो सुन प्रतितोला एक लाख १३ हजार रुपैयाँ पुगेको थियो । मंगलबार चाँदीको भाउ पनि अोरालो लागेको महासंघले जनाएको छ । आज चाँदी तोलामा २० रुपैयाँले घट्दा प्रतितोला एक हजार ४४५ रुपैयाँमा कारोबार भइरहेको छ । अघिल्लो कारोबार दिन, चाँदी तोलामा पाँच रुपैयाँले बढेर प्रतितोला एक हजार ४६५ रुपैयाँमा खरिदबिक्री भएको थियो ।
