काठमाडौं । बैंकहरुबीच ग्राहकलाई सेवा थप्ने होडबाजी नै चलेको छ । यही बेला सेञ्चुरी बैंकमा खाता खोल्ने कर्मचारीलाई १ हजार रुपैयाँको खाता खोल्दा ८ लाखको बिमा सुविधा उपलब्ध गराउने भएको छ । सेञ्चुरी कमर्सियल बैंकले कर्मचारीहरुलाई लक्षित गरेर रु १,००० मा बचत खाता खोल्ने गरी प्रीमियम पेरोल म्यानेजमेन्ट खाता वार्षिक ६.५ प्रतिशतका दरले त्रैमासिक रुपमा ब्याज भुक्तानी गरी हालै शुभारम्भ गरेको हो ।
ग्राहकहरुले सात लाख बराबरको आकस्मिक दुर्घटना बीमा र एकलाखसम्मको अस्पतालमा बसेको खर्च बापतको बीमा तथा लकर सुविधा, क्रेडिट कार्डको वार्षिक शुल्क, ब्यालेन्स सर्टिफिकेट र गुड फर पेमेन्टमा ५० प्रतिशत छुटको सुविधा पाउनेसमेत बैंकले जनाएको छ ।
साथै निःशुल्क एसएमएस मोबाइल र ई–बैंकिङ्ग, एबीबीएस सेवा, डेबिट कार्ड तथा निःशुल्क क्रेडिट र्काडको आबद्ध शुल्कको सुविधा छ । सरल कर्जा प्रवाह बैंकका सबै शाखाहरुबाट प्राप्त गर्न पनि सकिने बैंकले उल्लेख गरेको छ ।