काठमाडौं । कोरोनाले आम नागरिकदेखि भीआईपीसम्मलाई सताइरहेको बेला स्वास्थ्य तथा जनसंख्यामन्त्री भानुभक्त ढकालकै परिवारका सदस्यलाई कोरोना संक्रमण पुष्टि भएको छ । तीन दिनअघि परिवारका एक सदस्यलाई कोरोना संक्रमण देखिएपछि मन्त्री ढकाल हाल निवासमै क्वारेन्टिनमा बसेका छन् । ढकालले आफूलाई संक्रमण नभएको, परिवारको सदस्यलाई संक्रमण भएका कारण आफू क्वारेन्टिनमा बसेको बताएका छन् । क्वारेन्टिनबाट नै मन्त्रालयको काम हेरिरहेको उनले बताए ।