स्याङ्जा । कोरोना संक्रमणले धेरे मानिसलाई आतंकित मात्रै बनाएको छैन धेरै मानिस डिप्रेसनमा पनि परेका छन् । त्यसैले कोरोनाका कारण मर्नेको संख्या १४ पुग्दा जीवनदेखि दिक्क लागेर जीवन त्याग गर्नेको सुंख्या सयौं पुगिसकेको छ ।
गल्याङ नगरपालिकाका स्वास्थ्यशाखा प्रमुख झुण्डिएको अवस्थामा फेला परेका छन् । आइतबार बिहानबाट सम्पर्कविहीन रहेका स्वास्थ्यशाखा प्रमुख लिलाबल्लभ भण्डारीलाई साँझ घर नजिकै झुण्डिएको अवस्थामा फेला पारिएको प्रहरीले जनाएको छ । मृतक गल्याङ नगरपालिका २, बटुवाका भण्डारीको शवलाई पोष्टमार्टमका लागि ग्रहौं प्राथमिक अस्पताल वालिङमा राखिएको छ ।
प्रारम्भिक अनुसन्धानबाट झुण्डिएर आत्महत्या गरेको पाइएको र घटनाबारे अनुसन्धान सुरु गरिएको वडा प्रहरी कार्यालय वालिङका प्रमुख निरन्जन घिमिरेले जानकारी दिनुभयो ।