काठमाडौं । हिमालयन डिष्टिलरी लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ । विवरण अनुसार कम्पनीको बिक्री आम्दानी गत आर्थिक वर्षको सोही अवधिको तुलनामा बढेको छ । गत आर्थिक वर्षको पुस मसान्तसम्ममा ३ अर्ब ३ करोड रुपैयाँ बराबरको कुल बिक्री आम्दानी गरेको यस कम्पनीले, चालु आर्थिक वर्षको सोही अवधिसम्ममा ३ अर्ब २४ करोड ३० लाख रुपैयाँ बराबरको आम्दानी गरेको छ । बिक्री आम्दानी बढेसँगै कम्पनीको खुद नाफा पनि बढेको छ । समीक्षा अवधिमा कम्पनीको नाफा १०।७३ प्रतिशत बढेको छ । गत आर्थिक वर्षको पहिलो ६ महिना सम्ममा ४० करोड ४९ लाख रुपैयाँ रहेको कम्पनीको नाफा, चालु आर्थिक वर्षको सोही अवधिसम्ममा बढेर ४४ करोड ८३ लाख रुपैयाँ पुगेको छ । कम्पनीले सार्वजनिक गरेको वित्तीय विवरण अनुसार कम्पनीको प्रतिशेयर आम्दानी २४ रुपैयाँ ३१ पैसा कायम भएको छ । पुस मसान्तसम्ममा कम्पनीको प्रतिशेयर नेटवर्थ १२० रुपैयाँ ८७ पैसा रहेको छ भने मूल्य आम्दानी अनुपात ४६.८४ गुणा रहेको छ। ३ अर्ब ६८ करोड ८० लाख रुपैयाँ चुक्ता पूँजी रहेको यस कम्पनीको जगेडा कोषमा ७६ करोड ९८ लाख रुपैयाँ सञ्चित छ ।