रुकुम  । १५, १६ वर्षका किशोर ज्यान मारेमो आशंकामा पक्राउ परेका छन् ।  रुकुम (पूर्व) मा एक युवतीको हत्या आरोपमा दुई किशोर प्रहरीको नियन्त्रणमा छन् । पुथाउत्तरगंगा गाउँपालिका –८ खराङकी २२ वर्षीया दिलकुमारी सेनको हत्याको आरोपमा शनिबार सोही ठाउँका १५ र १६ वर्षीय दुई किशोर पक्राउ परेका हुन् । अभियुक्तले दाउराका लागि रुख ढाल्ने क्रममा वनबाट दाउरा लिएर घर फर्कँदै गरेकी सेनलाई च्यापेको थियो । शनिबार साँझ जिल्ला अस्पताल रुकुमकोटमा उपचारका क्रममा सेनको मृत्यु भएपछि अनुसन्धानका लागि दुई किशोरलाई नियन्त्रणमा लिइएको जिल्ला प्रहरी कार्यालयका सूचना अधिकारी प्रहरी निरीक्षक दिनेश गुरुङले बताए । घटनाको अनुसन्धानका लागि उनीहरुलाई  आज जिल्ला अदालतमा पेश गरी पाँच दिनको म्याद थप गरिएको प्रहरी निरीक्षक गुरुङले जानकारी दिए । १८ वर्षमुनिका  भएकाले प्रहरीले उनीहरुको नाम सार्वजनिक गरेको छैन । उनीहरुको मुद्दा बाल इजालसमा सुनुवाइ हुने प्रहरीले जनाएको छ ।