काठमाडौं । मुलुकलाई संकट पर्दा छाती फराकिलो पार्न सक्नु पर्छ । आफ्नो संस्थागत सामाजिक उत्तरदायित्वका कार्यलाई महत्वका साथ निर्वाह गर्दै आएको एशियन लाइफ इन्स्योरेन्स कम्पनीले भक्तपुर जिल्ला, कागेश्वरी मनोहरामा रहेको ‘‘फ्युचर होम नेपाल चिल्ड्रेन सेन्टर” अनाथ बालगृहलाई खाद्यान्न सहयोग गरेको छ ।

बालगृहमै एक कार्यक्रमका माझ कम्पनीको सहायक महाप्रबन्धक लोकराज जोशीले बालगृहकी सञ्चालिका रिता शिवाकोटीलाई खाद्यान्न चामल, दाल, बिस्कुट, तेल लगायतका खाद्यान्न हस्तान्तरण गरिएको हो । वितरण कार्यक्रममा गायिका रेखा जोशी, कम्पनीको सूर्यविनायकका शाखा प्रबन्धक जगत विक, वरिष्ठ बिएम भिम कुँवर लगायतको उपस्थिति रहेको थियो ।