काठमाडौं । देशभरका संक्रमितको झण्डै आधा हिस्सा ओगटेको राजधानी काठमाडौंमा पछिल्लो दिनमा कोरोना संक्रमण भयावह बन्दै गएको छ । पछिल्लो २४ घण्टामा काठमाडौं उपत्यकामा ९०२ कोरोना संक्रमित थपिएपछि कुल संक्रमितको संख्या २४१६० पुगेको छ । स्वास्थ्य तथा जनसंख्या मन्त्रालयका अनुसार काठमाडौंमा ६९७, ललितपुरमा ११२ र भक्तपुरमा ९३ जनालाई कोरोना संक्रमण देखिएको छ।

उपत्यकामा कोराना संक्रमितको संख्या २४ हजार १ सय ६० पुगेको छ। काठमाडौंमा १९ हजार ५७६, ललितपुरमा २ हजार ३५७ र भक्तपुरमा १ हजार १२७ संक्रमित पुगेका छन्। पछिल्लो २४ घण्टामा देशभर १ हजार ५५९ नयाँ संक्रमित थपिएका छन्। कूल संक्रमितको संख्या ७७ हजार ८१७ पुगेको छ। २४ घण्टा १ हजार ५७ जना डिस्चार्ज भएका छन्। देशभर कोरोना संक्रमण मुक्त हुनेको संख्या ५६ हजार ४२८ जना पुगेको छ।