काठमाडौं । कालिमाटी तरकारी बजारको बाक्लो चहलपहलका कारण त्यसक्षेत्र असुरक्षित बन्दै गएको छ । त्यस क्षेत्रमा सुरक्षा कर्मी पनि बाक्लै उपस्थित गराइएको छ । कालिमाटी तरकारी बजार नजिकै रहेको महानगरीय प्रहरी वृत्त, कालिमाटीमा कार्यरत एक जना सई र जवानलाई कोरोनाको संक्रमण पोजेटिभ देखिएको छ । अग्र मोर्चामा खटिने सुरक्षाकर्मी पनि जोखिममा देखिन थालेका छन् । उनीहरुको चार दिनअघि पीसीआर परीक्षण गरिएको थियो । मंगलबार दुवै प्रहरी कर्मचारी वृत्तमै बसेका थिए । वृत्तमा ९० जना बस्ने गरेका छन् । बुधबारबाट सबैको पीसीआर परीक्षण थाल्ने तयारी भइरहेको बताइएको छ ।