काठमाडौं। व्यवसाय विस्तारसँगै आम मानिसमा बीमा चेतना फैलाउने उद्देश्य लिएको एनएलजी इन्स्योरेन्स कम्पनीले पोखरामा घुम्ती बीमा तथा बीमा सचेतनासम्बन्धी छलफल कार्यक्रम सम्पन्न गरेको छ । कम्पनीको क्षेत्रिय कार्यालय पोखराको आयोनजामा गण्डकी प्रदेश, कास्की जिल्ला, माछापुच्छ्रे गाउँपालिका, घाचोकमा कृषि तथा पशु पंछी बीमा सम्बन्धी छलफल कार्यक्रम सम्पन्न गरेको कम्पनीले जनाएको छ । स्थानीयबासीको बाक्लो उपस्थिति तथा किसानहरुको सहभागितामा सम्पन्न कार्यक्रममा कृषकहरूले बीमाको सम्बन्धमा जिज्ञाशा राख्नुका साथै बीमा गर्ने प्रक्रियाबारे जानकारी लिएका थिए । सो छलफल कार्यक्रम पश्चात् घुम्ती बीमा सेवा कार्यक्रम सञ्चालन गरिएको थियो । उक्त घुम्ती बीमा सेवा कार्यक्रममा दर्जनौं किसानहरुले बीमा सेवा लिएको कम्पनीले जानकारी दिएको छ ।