काठमाडौं । सर्वेन्द्र खनालले प्रहरी प्रमुख पदबाट बिदा लिएसँगै सरकारले ठाकुर ज्ञवालीलाई प्रहरी महानिरीक्षकमा नियुक्त गरेको छ । महानिरीक्षकको दौडमा रहेका तारिणीप्रसाद लम्साललाई पछि पार्दै ज्ञवालीले बाजी मारेका हुन् । मंगलबार अपरान्ह बसेको मन्त्रिपरिषद बैठकले ज्ञवालीलाई आईजीपीमा नियुक्त गरेको हो । ज्ञवाली प्रहरी नायब महानिरीक्षकका रुपमा उनी प्रदेश नं. १ प्रहरी प्रमुखका रुपमा कार्यरत थिए ।
हालका आईजीपी सर्वेन्द्र खनालसहित तीन एआईजी र उनका ब्याचका डीआईजीहरुले सेवाहदका कारण अवकाश पाउँदैछन् । यही ब्याचको वैकल्पिक टोलीका डीआईजी ज्ञवालीले प्रहरीको नेतृत्व सम्हाल्ने मौका पाएका हुन् । ज्ञवालीले ५ महिनाका लागि प्रहरी संगठन हाक्नेछन् ।