काठमाडौं । नेपाल इन्स्योरेन्स कम्पनी लिमिटेडले काठमाडौंको कमलादीस्थित अमिर भवनबाट सञ्चालन हुँदै आएको केन्द्रीय कार्यालय आफ्नै नवनिर्मित भवनमा स्थानान्तरण गरेको छ।
कम्पनीका अनुसार असोज २५ गते आइतबारदेखि काठमाडौं महानगरपालिका–२८, कमलादीस्थित आफ्नै भवनबाट केन्द्रीय कार्यालयका सम्पूर्ण कामकाज सञ्चालन हुनेछन्।
यसअघि कम्पनीले कमलादीस्थित अमिर भवनबाट सेवा प्रदान गर्दै आएको थियो। कार्यालय आफ्नै भवनमा स्थानान्तरण भएसँगै कम्पनीका सेवाग्राहीले नयाँ भवनबाट सेवा लिन सक्नेछन्।
