काठमाडौं । पूर्वसांसद बर्मन बुढाको निधन भएको छ । ९० वर्षका उनी क्यान्सर रोगबाट पीडित रहेकोमा एक हप्ता अघिदेखि उनलाई जन्डिसले समेत सताएको थियो ।

२०४८ सालमा भएको आम निर्वाचनमा उनले संयुक्त जनमोर्चाको तर्फबाट रोल्पा क्षेत्र नंबर १ बाट चुनाव जितेका थिए ।

पूर्वसभामुख कृष्णबहादुर महरा र उनले त्यो बेला रोल्पाबाट चुनाव जितेका थिए । लामो समय कम्युनिष्ट राजनीति गरेका बुढा पछिल्लो समय ललितपुर एकान्तकुनामा छोरीसँग बस्दै आएका थिए ।