काठमाडौं। प्रभु बैंकले अघिल्लो वर्षको भन्दा दोब्बरले लाभांस दिने भएको छ । बैंकको संचालक समितिको बैठकले हालको चुक्ता पूँजीको १६ प्रतिशत बोनस शेयर दिने घोषणा गरेको हो। हालको चुक्ता पूँजी ८ अर्ब ८९ करोड रुपैयाँ छ। एक अर्ब ४२ करोड रुपैयाँ बोनस शेयर वितरणपछि चुक्ता पूँजी १० अर्ब ३१ करोड रुपैयाँ पुग्नेछ। बैंकको आगामी हुने १८ औ वार्षिक साधारणसभाले उक्त लाभांस पारित गर्ने छ।
गत आर्थिक वर्षमा बैंकले दुई अर्ब ५ करोड रुपैयाँ नाफा गरेको थियो। जस मध्ये लाभांस बाँड्न योग्य नाफा भने एक अर्ब ७३ करोड रुपैयाँ थियो। बैंकले खराब कर्जा सल्टाएर विगतको वर्षमा भन्दा राम्रो नाफा गरेको हो।