काठमाडौँ । सरकारद्वारा प्रतिबन्धित नेत्रविक्रम चन्द (विप्लव) समूहका केन्द्रीय सदस्यसहित ५ जना राजधानीबाट हतियार र विष्फोटक पदार्थसहित पक्राउ परेका छन् । विभिन्न ठाउँमा बम विष्फोट गराउने, चन्दा उठाउने तयारी गरिरहेको अवस्थामा गोप्य सुराकीका आधारमा पक्राउ गरिएको बताइएको छ । नेपाल प्रहरीको बिशेष ब्युरोले काठमाडौंका विभिन्न स्थानबाट उनीहरुलाई पक्राउ गरेको जनाएको छ । पक्राउ पर्नेमा विप्लव नेतृत्वको नेकपाका केन्द्रीय सदस्य सन्दिप लामा, (शिशिर), केन्द्रीय कोषाध्यक्ष तिलकबहादुर गुरुङ, केन्द्रीय कार्यलय सचिव वकिल घर्ती मगर (खनिल), सोलुखुम्बु जिल्ला इन्चार्ज त्रिलोचन विक तथा उदयपुर जिल्ला सदस्य दुर्खाबहादुर तामाङ रहेको बताइएको छ ।