असोज १ गते आयोजित प्रोडक्ट इन्ग्युरेसन कार्यक्रममा कम्पनीका प्रमुख कार्यकारी अधिकृत राजकुमार अर्याल तथा उच्च व्यवस्थापनका कर्मचारीहरूको उपस्थितिमा योजना शुभारम्भ गरिएको हो। १८ देखि ६५ वर्ष उमेर समूहका व्यक्तिलाई लक्षित गरिएको यस योजनाले विशेषगरी परिवारका संरक्षकको व्यावसायिक तथा पारिवारिक दायित्वबीच आर्थिक सुरक्षा प्रदान गर्ने उद्देश्य राखेको कम्पनीले जनाएको छ।

योजनाअन्तर्गत न्यूनतम १० लाख रुपैयाँदेखि बीमितको आयस्रोतका आधारमा आवश्यकताअनुसार बीमाङ्क रकम छनोट गर्न सकिनेछ। बीमाशुल्क मासिक, त्रैमासिक, अर्धवार्षिक वा वार्षिक रूपमा भुक्तानी गर्न सकिने सुविधा रहेको छ।

बीमितको मृत्यु भएमा छनोट गरिएको बीमाङ्क रकमको शतप्रतिशत दाबी भुक्तानी हुने कम्पनीले जनाएको छ। साथै, ऐच्छिक सुविधाअन्तर्गत ५० हजार रुपैयाँसम्मको किरिया खर्च तथा १ लाख रुपैयाँसम्मको ‘सन मेडिकेयर’ आपत्कालीन स्वास्थ्य सेवा सुविधा पनि लिन सकिनेछ।

‘सन स्मार्ट प्रोटेक्सन’ कम्पनीका शाखा कार्यालयसँगै डिजिटल माध्यमबाट समेत खरिद गर्न सकिनेछ। ग्राहकले कम्पनीको वेबसाइट तथा ‘सन कनेक्ट’मार्फत अनलाइनबाटै बीमा योजना लिन सक्ने व्यवस्था गरिएको छ।

२०७४ असोज ६ गते बीमकका रूपमा दर्ता भई व्यवसाय सुरु गरेको सन नेपाल लाइफको अधिकृत पूँजी १० अर्ब रुपैयाँ तथा चुक्ता पूँजी ५ अर्ब २८ करोड रुपैयाँ रहेको छ। ISO 27001:2022 प्रमाणित कम्पनीले आफूलाई डिजिटल प्रविधिमैत्री जीवन बीमा कम्पनीका रूपमा अघि बढाउँदै आएको जनाएको छ।

हाल कम्पनीले ४० हजारभन्दा बढी अभिकर्ता तथा १३६ शाखा तथा उपशाखामार्फत सेवा प्रदान गर्दै आएको छ। दुर्घटना, अशक्तता तथा आपत्कालीन रोगबाट उत्पन्न हुन सक्ने आर्थिक जोखिम न्यूनीकरण गर्दै ग्राहकलाई दीर्घकालीन वित्तीय सुरक्षा प्रदान गर्नु कम्पनीको मुख्य उद्देश्य रहेको छ।