काठमाडौं। सानिमा बैंकले असोज २९ गतेका लागि तोकेको १५ औं वार्षिक साधारणसभाबाट ११.०५ प्रतिशत नगद लाभांश र १० प्रतिशत बोनस शेयर पारित गर्ने भएको छ । यो अघिल्ला पाँच वर्षको तुलनामा धेरै लाभांश हो । साधारणसभा प्रयोजनका लागि बैंकले असोज १३ गते बुक क्लोज गर्ने जनाएको छ। बैंकको हालको चुक्ता पुँजी ८ अर्ब रुपैयाँ छ। चुक्ता पुँजीको १० प्रतिशत अर्थात ८० करोड रुपैयाँ बोनस शेयर दिएसँगै चुक्ता पुँजी ८ अर्ब ८० करोड रुपैयाँ कायम हुनेछ।

लगानीकर्ताले बोनस शेयरसहित चाडवाडको समयमा कर प्रयोजन सहित ११.०५ प्रतिशत अर्थात ८८ करोड ४३ लाख रुपैयाँ नगद लाभांश पाउने भएका छन्।