काठमाडौं । सुनको भाउले एकपछि अर्को रेकर्ड कायम गर्दै अब सामान्य मानिसले सुन लाउने होइन हेर्ने धातु बन्दैछ । यो साता पनि सुनको मुल्यले नयाँ रेकर्ड बनाएको छ । सोहि क्रममा, शुक्रबार सुन तोलाकै एक लाख ५६ हजार ३०० रूपैयाँको उचाइमा पुगेको छ । साताको चोथो दिन, बुधबार रेकर्ड कायम गरेको मुल्य साताको पछिल्लो कारोबार भएको दिन, शुक्रबार पुनः ऐतिहासिक रेकर्ड कायम गरेको हो । यसरी, नेपाली बजारमा पनि यो साता सुनको मुल्यले रेकर्ड पछि रेकर्ड कायम गर्यो । साताभरमा भने सुन ४ हजार २०० रूपैयाँले महंगिएको छ । आइतबार सुन प्रतितोला एक लाख ५२ हजार १०० रुपैयाँ रहेको सुनको मुल्य सोमबार र मंगलबार बढेर प्रतितोला एक लाख ५२ हजार ४०० रूपैयाँ पुग्यो । तर, बुधबार भने सुनको मूल्य उच्च रेकर्ड राख्दै प्रतितोला एक लाख ५३ हजार ४०० रूपैयाँ पुग्यो । त्यसपछि बिहिबार भने सुनको भाउ सामान्य घटेर तोलाको एक लाख ५३ हजार ३०० रूपैयाँमा झरेको थियो । यद्धपी सुनको मुल्यले शुक्रबार पुनः अर्को रेकर्ड कायम ग(यो । यस दिन सुन तोलाकै एक लाख ५६ हजार ३०० रूपैयाँको उचस्तरमा कारोबार भयो । यो मुल्य साताको पहिलो दिनको तुलनामा पछिल्लो कारोबार भएको दिन शुक्रबार तोलाको ४,२०० रुपैयाँले बढी हो । यो साता नेपाली बजारमा चाँदीको मुल्य पनि सामान्य बढेको छ । साताभीमा चाँदीको भाउ तोलामा ११० रूपैयाँले बढेको हो । आइतबार, चाँदी तोलाको एक हजार ७५० रुपैयाँ रहेको मुल्य शुक्रबार प्रतितोला एक हजार ८६० रुपैयाँ कायम भयो।
अन्तर्राष्ट्रिय बजारमा देखिएको द्धन्दको प्रभावका कारण सुनको भाउ बढिरहेको छ । सुनको भाउ बढ्नुको अर्को कारण कच्चा तेलको मुल्यमा भएको वृद्धि तथा डलरको विनिमय दरमा देखिएको स्थिरता पनि रहेका छन् । सुनको मुल्यमा विगत केही समय देखि देखिँदै आएको बढ्दो ट्रेण्ड लगायतका कारणले पनि सुनको मुल्य बढ्न सघाएको बिश्लेषकहरुको भनाई छ । विश्व बजारमा पनि शुक्रबार सुनको भाउ वृद्धि भएको छ । यस दिन, सुन प्रति अउन्स २ हजार ५६७ डलर बराबरमा कारोबार भएको हो । यो समाचार तयार पार्दासम्म चाँदीको मूल्य प्रति अउन्स ३० डलरमा खरिदबिक्री भयो।