काठमाडौं । दुई दिन नराम्रोसँग उकालो लागेको सुनको मूल्य चैत २३ गते सोमबार सामान्य गिरावट देखिएको छ। सोमबार सुनको भाउ तोलामा २०० रुपैयाँले घटेको छ भने चाँदीको भाउ तोलामा ५ रुपैयाँले घटेको छ। सोमबार छापावाला सुन प्रतितोला ८७ हजार २०० रुपैयाँमा कारोबार भइरहेको छ भने तेजबी सुन प्रतितोला ८६ हजार ७५० रुपैयाँमा कारोबार भइरहेको नेपाल सुनचाँदी व्यवसायी महासँघले जनाएको छ। यस दिन चाँदी पनि तोलामा ५ रुपैयाँले घटेर प्रतितोला १ हजार २३५ रुपैयाँमा खरिद बिक्री भइरहेको छ। अघिल्लो दिन चाँदी प्रतितोला १ हजार २४० रुपैयाँमा खरिद बिक्री भएको थियो।