काठमाडौं। समुदाय स्तरमा कोरोना फैलिएको र राजधानीलाई समेत कोरोनाले घेरिसकेको अवस्थामा गृहमन्त्रालयले मास्क नलगाई घरबाहिर निस्कनेलाई पक्राउ गर्न प्रहरी प्रधान कार्यालयलाई निर्देशन दिएको छ। विशेष गरी मास्क नलगाइ बाहिर निस्कने र अटेर गर्नेहरुलाई पक्राउ गर्न निर्देशन आएको प्रहरी प्रधान कार्यालयका प्रवक्ता डिआईजीपी निरज बहादुर शाहीले जानकारी दिएका छन्। मास्क नलगाई बाहिर निस्कने र अटेर गर्नेहरुलाई पक्राउ गर्न निर्देशन आएको उनले बताएका छन्। मास्क नलगाई घरबाहिर निस्कनेलाई पक्राउ गरिने र संक्रामक रोग ऐन २०२० अनुसार कारबाही गरिने छ । स्रोतका अनुसार, सकारले लकडाउन अझै नखुलाई सकेको र कोरोनाका महामारी पनि कायम रहेका कारण अत्यावश्यक काम बाहेक घरबाहिर ननिस्किन समेत अनुरोध गरेको । यस्तै घरबाहिर निस्कनै परेमा मास्क लगाएर मात्र निस्कन गृहले अनुरोध गरेको छ। यस्तै, एकअर्काबीच कम्तीमा २ मिटरको सामाजिक दूरी कायम गर्नुपर्ने सरकारको अनुरोध छ। सरकारले लकडाउनको मोडालिटि परिवर्तन गरेसँगै काठमाडौं उपत्यकामा व्यापार व्यवसाय खुलेका छन् भने, कोरोनाका संक्रमित पनि थपिदै गएका छन्।