काठमाडौं । कोरोनाको परीक्षण राष्ट्रिय प्रयोगशालासँगै टेकु अस्पताल र बीर अस्पतालबाट पनि हुने भएको छ । शनिबारबाट कोरोना भाइरसको परीक्षण काठमाडौंको वीर अस्पतालबाट पनि सुरू भएको हो। स्वास्थ्य मन्त्रालयका प्रवक्ता डाक्टर विकास देवकोटाका अनुसार शनिबारबाट बीर अस्पतालबाट परीक्षण सुरू भइसकेको छ भने आइतबारबाट टेकु अस्तपालबाट पनि कोरोना परीक्षण हुने छ । शनिबार पनि नयाँ कोरोना संक्रमित थपिएको छैन। अहिलेसम्म ४ हजार ४ सय बढीको नमूना परीक्षण गरिएको प्रवक्ता देवकोटाले जानकारी दिए। गएको २४ घन्टामा मात्रै झन्डै ९ सय जनाको परीक्षण भएको छ। अहिले सरकारले कोरोना परीक्षणको दायरालाई बढाएको छ। यसअघि डेढ सयदेखि दुई सय परीक्षण गर्दै आएकोमा दैनिक झन्डै ८ सयको नमूना परीक्षण गर्न थालेको छ।