पोखरा । एलआईसी नेपालले प्रादेशिक कार्यालय स्थापना गरेको छ । गण्डकी प्रदेशको राजधानी पोखरामा स्थापना गरिएको प्रादेशिक कार्यालयको बीमा समितिका अध्यक्ष चिरञ्जीवी चापागाईंले औपचारिक रुपमा उद्घाटन गरेका छन् ।
कार्यक्रमका प्रमुख अतिथि चिरञ्जीवी चापागाँईले एलआईसी नेपालले बीमा क्षेत्रमा ठूलो योगदान पुर्याएको भन्दै प्रसंसा गरेका थिए । कार्यक्रममा एलआईसी नेपालका प्रमुख कार्यकारी अधिकृत एलपी दासले प्रादेशिक कार्यालयबाट मातहतका शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाई जस्ता कार्यहरू छिटो, छरितो, चुस्त र दुरुस्त रूपमा सम्पादन हुने विश्वास व्यक्त गरे ।