काठमाडौं । ब्रेन ट्युमरका कारण ज्यान गुमाएका बीमितका आश्रित परिवारलाई एशियन लाइफ इन्स्योरेन्स कम्पनीले मृत्यु दाबी भुक्तानी रकम हस्तान्तरण गरेको छ । कम्पनीको धरान शाखाले सुन्दरहरैचा—१०,मोरङ्गका बीमित हिमादेवी थापाको छोरी विजीता थापालाई ४ लाख १९ हजार २५६ रुपैयाँको चेक एक समारोहबीच दिएका हुन् । उक्त रकम धरान शाखाका शाखा प्रबन्धक सुजन भण्डारी, बरिष्ठ व्यवसाय प्रबन्धक खगेन्द्र प्रसाद भण्डारी, वरिष्ठ अधिकृत सुधिर शर्मा दहाल, बजार प्रबन्धक कुमार राई लगायतको रोबरमा उक्त चेक हस्तान्तरण गरेको कम्पनीले जनाएको छ ।
मृतकले ८ वर्ष अगाडि ३ लाखको सावधिक बीमा योजनामा बीमा गरी ९३ हजार कर्जा लिएका थिए । कम्पनीबाट कुल रकम ४ लाख १९ हजार २ सय ५६ रुपैयाँमा उक्त कर्जा सांवा व्याज कट्टा गरी रकम प्रदान गरको हो ।