काठमाडौं । बीमा व्यवसायको टाउको दुखाईको विषय बनेको कोरोना बीमाको आंशिक भुक्तानी शुरु भएको छ । शिखर इन्स्योरेन्सले कोरोना बीमाको दाबी भुक्तानी दिन थालेको छ । पिसिआर पोजिटिभ भई बीमा दाबी गर्ने मध्ये पहिलो दाबी गर्नेलाई पहिलो प्राथमिकतामा राखेर दाबी रकमको भुक्तानी शुरु गरिएको हो । कम्पनीले दाबी दाबी भुक्तानी पाउन बाँकी ५ हजार २० वटा एकल र पारिवारिक बीमालेख धारक दाबीकर्तामध्ये २ हजार ६३५ दाबीकर्तालाई मंसिर १३ गतेदेखि दाबी फर्छौट गर्ने जनाएको छ । दाबी फर्छौट दाबीकर्ताहरुको विवरण सार्वजनिक गर्दै कम्पनीले देशभरको शाखा कार्यालयहरुबाट दाबी भुक्तानीको व्यवस्था मिलाइएको छ । दोस्रो चरणमा राष्ट्र सेवक कर्मचारी र संघ संस्थाले बीमाशुल्क तिरेर कोरोना बीमा गर्नेहरुले दाबी भुक्तानी पाउनेछन्।