काठमाडौं । रिलायबल नेपाल लाइफ इन्स्योरेन्स लिमिटेडले आफ्ना बीमितको मृत्युपछि आश्रित परिवारलाई दाबी भुक्तानीको रकम हस्तान्तरण गरेको छ । कम्पनीको दोलखा शाखाले मृत्यु दाबी बापतको रकम भुक्तानी गरेको हो । कम्पनीले भीमेश्वर नगरपालिका ६ सिमपानी निवासी तिर्थबहादुर खत्रीको मृत्यु दाबी भुक्तानी गरेको हो ।
भीमेश्वर नगरपालिका ६ सिमपानी चरिकोटमा रहेको मृतकको घरमा गई मृतककी श्रीमती शशिकला बुढाथोकीलाई २१ लाख ५० हजार रुपौयाँको चेक हस्तान्तरण गरिएको हो ।
उक्त रकमको चेक रिलायबल नेपाल लाइफ इन्स्योरेन्स चरिकोट शाखाका शाखा प्रमुख लुइँटेल र सोही कम्पनीमा कार्यरत फाइफ इन्स्योरेन्सको क्षेत्रमा आफ्नो छुट्टै पहिचान बनाउन सफल रुक्मणी सिवाकोटी , पहिलो एमडिआरटी प्रकाश बहादुर कार्कीले मृतककि श्रीमती शशि कला बुढाथोकीलाई प्रदान गरे । मृतक तिर्थ बहादुर खत्रीले २०७७ चैत्र २० गते रिलायबल नेपाल लाइफ इन्स्योरेन्स कम्पनी लिमिटेड दोलखा शाखामा रिलायबल सुलभ जीवन बीमा गरेका थिए । बीमित खत्रीको केही महिना अघि मात्र उपचारको क्रममा अस्पतालमा मृत्यु भएको थियो । उनले पहिलो किस्ता र दोस्रो किस्ता बापत २ लाख १२ हजार ५ रुपैयाँ बीमा कम्पनीलाई बुझाएका थिए ।