काठमाडौं । काठमाडौं महानगरपालिका १३ भोटेबहाल निवासी सानुमैया जोशीले आफ्नो घरमा बहालमा बस्नेहरुलाई १ महिनाको घरभाडा मिनाहा दिने घोषणा गरेकी छिन् । शिक्षा तथा समाजसेवीकी रुपमा चिनिएकी जोशीले कोरोना भाइरसको प्रभावलाई न्युनिकरण गर्न भन्दै नेपाल सरकारले लकडाउन घोषणा गरेको र सो समयमा बहालमा बस्ने व्यक्तिहरुको पेशा, व्यवसाय र रोजगारीमा असर पुग्न गएको हुनाले मानवीय हिसावले आफूले चैत महिनाको भाडा मिनाहा गर्ने घोषणा गरेको बताएकी छिन् ।