काठमाडौँ । सिंहदरबारको पर्खाल समेत नाघिसकेको कोरोनाले नेताहरुलाई समेत घेराबन्दी गर्दै लगेको छ । सभामुखका सुरक्षाकर्मी, नेकपा अध्यक्ष पुष्पकमल दाहालका सुरक्षाकर्मी, नेकपा महासचिव विष्णु पौडेलका पिसओ र सुरक्षाकर्मी हुँदै अहिले माधव नेपालका ९ जना सुरक्षाकर्मीसम्म कोरोना पुगिसकेको छ । पूर्वप्रधानमन्त्री माधवकुमार नेपालको निवास कोटेश्वरको सुरक्षामा तैनाथ सातजना सशस्त्र प्रहरीलाई कोरोना संक्रमण भएको हो। नेता नेपाल निवासको सुरक्षा टोली र ड्राइभरसहित सातजनामा शुक्रबार कोरोना संक्रमण पुष्टि भएको हो। उनीहरुलाई आइसोलेसनमा राखिएको छ भने सम्पर्कमा आएका अन्यको पनि परीक्षणका लागि स्वाब संकलन गरिएको छ। नेपालको सुरक्षामा तैनाथ प्रहरीको टोलीमा कोरोना पुष्टि भएपछि अर्को टोली कोटेश्वर आइसकेको छ। नेता नेपालसहित परिवार र सचिवालयका सदस्यहरुको परीक्षण गराउँदा नेगेटिभ रिपोर्ट आएको बताइएको छ ।
