काठमाडौं । नेपालमा दुई जना कोरोना संक्रमति थपिएका छन् । रुपन्देही र बाँकेमा संक्रमित भेटिएका हुन् । यससँगै कुल संक्रमितको संख्या ५९ पुगेको छ । स्वास्थ्य तथा जनसंख्या मन्त्रालयका अनुसार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको हो । रूपन्देहीका संक्रमित युवक वैशाख ५ गते भारतबाट आएको पाइएको छ । कोटहीमाई गाउँपालिका १ का २५ वर्षीय युवक लकडाउनको समयमा भारतबाट घर आएका थिए । तर उनका दाजुले भारतीय सीमा क्षेत्रबाट घर नलगी क्वारेन्टाइन स्थलमा पुर्याएका थिए ।
